Алтын кенішінде жұмысшы қаза тапты
1 505
Қарағанды облысы, Ақтоғай ауданындағы "Алтыналмас АК" АҚ өндірістік нысандарының бірі – "Пустынное" ТБК аумағында жазатайым оқиға болды,- деп хабарлайды Opennews.kz ақпараттық агенттігі.
Оқиға 23 шілде, сағат 11:30 шамасында болған.
"Пустынное" ТБК екінші саты ұсақтау корпусының конвейер машинисі қаза болды. Оқиғаның себеп-салдары мен мән-жайын уәкілетті органдар анықтап жатыр. Марқұмның туған-туыстары мен жақындарына, әріптестеріне қайғырып көңіл айтамыз, – деп жазылған хабарламада.
Компания марқұмның отбасына барлық қажетті көмек пен қолдау көрсететінін айтқан.
