Заң қорғаушылары заңсыз ойынға 180 млн салған

Бүгін, 15:30

1 500

Алматы облысында 20 жеке сот орындаушы букмекерлік шоттарға 180 миллион теңге салды, - деп хабарлайды Opennews.kzақпарат агенттігі.

Ресми мәліметтерге сәйкес, Алматы облысындағы 20 жеке сот орындаушы букмекерлік шоттарға қаражат салып, жүйелі түрде құмар ойын ойнаған. Облыстық прокуратураның хабарлауынша, транзакциялардың жалпы сомасы шамамен 180 миллион теңгеден асады.

"Тергеу нәтижесінде бір сот орындаушы үш жыл ішінде ойын шотына 139 миллион теңге, ал екіншісі 26 миллион теңге аударғаны анықталды. Қоғамдық маңызы бар функцияларды атқаратын адамдардың құмар ойындарға осындай сомадағы ақшамен қатысуы кәсіби этикаға қайшы келеді және адалдық қағидаттарына күмән келтіреді", – делінген Алматы облыстық прокуратурасының мәлімдемесінде.

Тергеу нәтижелері бойынша прокурордың жауап хаттамалары Әділет департаментіне және Жеке сот орындаушыларының аймақтық палатасына ұсынылды. Олар заңмен талап етілетін шараларды қабылдауы тиіс.