Қазақтың белгілі ақыны өмірден озды
510
Қазақтың белгілі ақыны, жазушысы, Қазақстанның еңбек сіңірген қайраткері Рафаэл Ниязбек дүниеден өтті деп хабарлайды "Opennews.kz" ақпарат агенттігі Алматы телеарнасына сілеме жасап.Ақпаратты Қазақстан Жазушылар одағы растап отыр.
Айта кетейік, Рафаэл Ниязбек 1978 жылы Қазақ ұлттық университетінің филология факультетін тамамдаған.
1967 жылы Қазақ радиосы әдебиет редакциясында қызметке орналасқан.
1971-1977 жылдары "Жұлдыз" журналында, 1977-1991 жылдары "Жазушы" баспасында редактор болып істеген.
1972 жылы сыншылардың Бүкілодақтық кеңесіне қатысқан. Қазақстан Жазушылар одағының Iлияс Жансүгіров атындағы сыйлығының иегері.
Шешенстан Республикасы Жоғарғы мемлекеттік "Ұлт намысы" орденінің иегері. Шешенстан мемлекеттік сыйлығының лауреаты. Бауыржан Момышұлының 90 жылдығына арналған республикалық ақындар мүшәйрасының бас жүлдегері. Тараз қаласының 2000 жылдығына арналған республикалық ақындар мүшәйрасының бірінші жүлдегері.
