Елімізде ет бағасы қымбаттады
387
Қазақстанда ет бағасы өсуде, деп хабарлайды Opennews.kz ақпарат агенттігі energyprom.kz басылымына сілтеме беріп.
Қой етінің бағасы 14,6 пайызға өсті. Сондай-ақ жылқы еті бағасының айтарлықтай өсуі 9,4 пайызға байқалды. Сиыр еті 7,8 пайызға, құс еті 3,2 пайызға қымбаттады.Тамыз айында дүкендерде және базарларда сүйектері бар сиыр етінің бағасы бір кг үшін орташа есеппен 2,2 мың теңге болған. Жылқы етінің құны бір килограмм үшін – 2,5 мың, қой етінің құны — 2,4 мың теңге.
Статистикаға сүйенсек, қаңтар-тамыз айларында ет өндірісі 43 мың тоннаны құрады, бұл өткен жылдың 8 айымен салыстырғанда 4,6 пайызға аз. Салқындатылған құс етін өндіру, керісінше, 4,3 пайызға артып 71,6 мың тоннаға жетті.
Бағаның өсуінен кейін елде ет тұтыну мөлшері азайды. Бірінші жартыжылдықтың қорытындысы бойынша қой етін тұтыну 10,6 пайызға, жан басына шаққанда 2,5 килограмға дейін, тауық етін тұтыну 4,4 пайызға, 2,2 килограмға дейін қысқарды.
