Пара туралы хабар беріп, миллионер атанды

661

Шығыс Қазақстан облысының тұрғыны пара туралы хабар беріп, 4 миллион теңгеге ие болды- деп хабарлайды Opennews.kz ақпарат агенттігі Экспресс-К басылымына сілтеме жасап. 

Жемқорлыққа қарсы күрес қызметінің хабарлауынша, жыл басынан бері берілген ең жоғары сыйақы осы.

Қазақстанда былтыр жемқорларды ұстап берген азаматтарды ынталандыру жүйесі енгізілді.  


"Параның немесе келтірілген залалдың соммасы 1 000 АЕК-дан аспайтын болса, хабар берген азамат қылмыстың ауырлығына қарай 30 бен 100 АЕК аралығында сыйақы алады. 

Ал 1 000 АЕК-дан асатын пара жайлы хабар жеткізсе, сыйақының көлемі 10%-ды құрайды, бірақ 4 000 АЕК-дан аспауы тиіс. Мысалы, егер пара немесе келтірілген залал құны 50 миллион теңге болса, хабар берген адам сот шешімі шыққаннан кейін 5 миллион теңгеге ие болады", – деп хабарлады Жемқорлыққа қарсы күрес агенттігі. 

Жемқорлық туралы фактіні 1424 нөміріне хабарлауға болады. Саналы азаматтар туралы ақпарат құпия сақталады.