Қазақстанда әйелдерге арналған вагондары бар пойыздар жүрді

Қазақстанда әйелдерге арналған вагондары бар пойыздар жүрді, - деп хабарлайды Opennews.kz ақпарат агенттігі Rail-news.kz. сайтына сілтеме жасап.

ҚТЖ 10 қазаннан бастап Алматы-Өскемен және Алматы-Маңғыстау бағытында жүретін әйелдерге арналған вагон билеттерін сату бойынша жобаны жүзеге асырды. ҚТЖ сұраныс болса, жоба басқа бағыттарды да қамтитынын хабарлады.

Компания жобаның 2021 жылдың II жартыжылдығына теміржол билеттерін сату, пайызын одан әрі дамыту жөнінде жол картасы шеңберінде іске асырылатынын атап өтті. Жолаушыларға кәдімгі вагонда немесе жеке "әйелдерге" арналған вагонда жол жүру құқығы беріледі. Вагондар кәдімгі вагондардан сыртқы жағынан ерекшеленбейді, билет құны да стандарт тариффен бірдей.

Алматы-Өскемен пойызының әйелдерге арналған вагонының алғашқы жолаушылары сапар туралы өз әсерлерін айтты.

"Сапарымыз тек әйелдермен болатыны - жағымды тосынсый. Бәрі жолаушылардың игілігі үшін жасалып жатыр. Жайлы сапар жасай аламыз", - дейді алматылық жолаушы Гаухар Аутова.

Осы вагонда Өскеменге қызына бара жатқан зейнеткер Роза Разиева да бар, ол ұзаққа созылатын сапарлар үшін осындай вагонның дұрыс екенін атап өтті және болашақта мұндай вагондар басқа бағыттарда пайда болады деп ойлайды.

Билеттерді рәсімдеу кезінде "Ә" (әйел) белгісінің болуы вагон тек әйел жолаушыларға арналғанын білдіреді.

Еске салайық, 2018 жылы 26 қыркүйекте жолаушы зорланғаннан кейін әйелдер вагондары мен купелері енгізілетіні туралы айтылды. 2020 жылы ақпанда осы іс бойынша соңғы үкім шығарылды. Қылмыстық іс бойынша пойыз жолсеріктері сотталды.