Ақтөбеде 13 жастағы жасөспірім жиырмасыншы қабаттан секіріп кетті
365
Ақтөбеде жасөспірім 25 қабатты үйдің 20-қабатынан секіріп кетті- деп хабарлайды Opennews.kz ақпарат агенттігі.Оқиға 18 қазан күні, сағат 18.45-те Ақтөбе қаласында тіркелді.
13 жасар қыз 25 қабатты үйдің 20-қабатындағы кіреберістің балконынан секіріп кеткен.
Қала тұрғыны полиция бөліміне хабарласып, 11-шағын ауданындағы № 112 «В» үйінің кіреберісінде кәмелет жасына толмаған қыздың жатқанын айтқан.
Полиция үйдің алдынан 2008 жылы туған жеткіншектің денесін тапты.
«Кәмелетке толмаған бала алған жарақатынан жедел жәрдем келгенге дейін қаза болды. Оқиғаның себептері анықталып жатыр. Қазір Қылмыстық кодекстің «Өз-өзіне қол жұмсауға жеткізу» бабы бойынша сотқа дейінгі тергеу жүргізіліп жатыр», - деді облыстық ПД баспасөз қызметінің жетекшісі Ерболат Сарқұлов.
