Қазақстандағы жаппай лаңкестік: Бизнеске келген шығын 95 млрд теңгеден асты

11 қаңтар 2022, 10:02

322

"Атамекен" Ұлттық кәсіпкерлер палатасы бизнеске келген шығынға қатысты мәлімдеме жасады,- деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.

Ұлттық кәсіпкерлер палатасының хабарлауынша байланыс орталығына 3 507 қоңырау түскен. Оның ішінде:

Мародерлік мәселелері бойынша – 1669;
форс-мажор – 138;
блок-бекеттер – 2;
зардап шеккен кәсіпкерлерді қолдау қоры бойынша – 11;
жеке тұлғалардан түскен қоңыраулар – 1671.

Еліміздің 9 өңіріндегі 1709 нысанда орналасқан 1528 зардап шеккен бизнес субъекті анықталды, оның ішінде Алматы қаласында – 1578 нысанда орналасқан 1408 субъект.

Зардап шеккен бизнес салалары:

Сауда – 1448;
қоғамдық тамақтану – 32;
қаржы секторы – 37;
логистика – 9;
БАҚ – 2.

Шығынның жалпы сомасы алдын ала есепке сәйкес 95,3 млрд теңгеден асты. Оның ішінде 93,8 млрд теңге – Алматыда.

Айта кетсек, 11 қаңтардағы жағдай бойынша, Қазақстанда жаппай тәртіпсіздіктерге қатысқан 9900 адам ішкі істер органдарына жеткізілді.