Алматының екі ауданында аңшылық дүкендерден ұрланған қарулар тәркіленді

Алматы полицейлері Алмалы және Алатау ауданында қаланы тонауға қатысқан екі азаматты ұстады, - деп хабарлайды Opennews.kz ақпарат агенттігі Zakon.kz  сілтеме жасап.

1990 жылы туған Н есімді азамат қаңтар оқиғасы кезінде аңшылық дүкеннен қару ұрлағаны үшін сотталды.

«Күдікті ұрлаған қару-жарақ қоймасының орны – ауыл шетіндегі үйіндіден анықталды. Нәтижесінде 22 калибрлі «SAVAGE» бұрандалы карабині мен 12 калибрлі «ATA ARMS» тегіс ұңғылы мылтығы тәркіленді. Қылмыстың сыбайластарымен қатар басқа да қару-жарақ жасырылған орындар болуы мүмкін екенін жоққа шығармаймыз», - деді Алмалы аудандық полиция басқармасының бастығы, полиция полковнигі Есен Ысқақов.