Қостанайда прокурор өз-өзіне қол жұмсады
282
Қостанайда қала прокуратурасының қоғамдық мүдделерді қорғау бөлімінің аға прокуроры асылып өлді. Оқиғаның себептері анықталуда, деп хабарлайды Stan.kz ақпарат агенттігі.
Қостанай облысы прокуратурасының баспасөз қызметі қайғылы оқиға 5 мамырда болғанын нақтылады.
“5 мамыр күні таңертең Қостанай облысы аумағындағы орман белдеуінде Қостанай қалалық прокуратурасының қоғамдық мүдделерді қорғау бөлімінің аға прокуроры ағашқа асылып тұрған күйінде табылды. Өз-өзіне қол жұмсау фактісі сотқа дейінгі тергеп-тексерудің бірыңғай реестріне тіркелді. Қостанай облысының полиция департаменті тергеу жүргізіп жатыр, – деді Қостанай облысы прокуратурасының баспасөз қызметі.
Ведомство оқиғаның себептері анықталып жатқанын түсіндірді.
Прокуратураның мәліметінше, ер адамның прокуратурадағы жұмыс өтілі төрт жыл болған. Қызметкердің артында әйелі мен кішкентай қызы қалды.
