ТЖД мамандары тұрғындарды қауіпсіздік ережелерін барынша сақтауға шақырды
170
Биыл Қызылорда облысына қарасты су айдындарында 21 адам қаза болды. Оның 7-еуі жасөспірім бала - деп хабарлайды Opennews.kz ақпарат агенттігі.Қызылорда тұрғындары мен қонақтарын Төтенше жағдайлар департаменті суға шомылу маусымында қауіпсіздік ережелерін барынша сақтауға және белгіленбеген аймақта суға түсуге болмайтынын ескертеді.
"Суға шомылу маусымы басталғалы Төтенше жағдайлар департаменті қызметкерлерінің көмегімен 7 адам құтқарылды. Қазіргі таңда құтқарушылар мен полиция қызметкерлері қала және аудан аумағында орналасқан су айдындарында күшейтілген режимде рейд жұмыстарын жүргізуде. Тексеріс барысында ортақ су пайдалану қағидаларын бұзу бойынша 27 адамға ескерту берілді. Ал қоғамдық орында алкогольді ішімдік ішкен 2 азаматқа әкімшілік хаттама толтырылды. Жазғы демалыста балалардың қауіпсіздігін қамтамасыз ету мақсатында облыстық білім басқармасымен бірлесіп, қауіпті деп танылған 4 модульді-қаңқалы бассейн алынып тасталды. Сондай-ақ 12 мыңнан астам оқушыға қауіпсіздік ержелері бойынша 89 интерактивтік сабақ өткізілді. Суға шомылу маусымы аяқталғанша қауіпсіздікті қамтамасыз ету бағытындағы жұмыстар өз жалғасын табатын болады," - деді Қызылорда облысы ТЖД Азаматтық қорғаныс басқармасының бастығы майор Асхат Тоғызбаев. Қызылорда облысы ТЖД және Өңірлік коммуникациялар қызметі
