ҚЫЗЫЛОРДАЛЫҚ БАЛАЛАРҒА ТОЛАҒАЙ ТАРТУ

205
Биыл Қызылорда облысында 80 спорт және балалар ойын алаңдары салынатын болды,- деп хабарлайды Opennews.kz ақпарат агенттігі.

Игі бастама Қызылорда облысының әкімі Нұрлыбек Нәлібаевтың қолдауымен Мемлекет басшысының Жарлығына сәйкес жарияланған «Балалар жылы» аясында жүзеге асырылады.
Қызылорда облысының әкімі Нұрлыбек Нәлібаев бұл жұмыс­тарды қала, аудан әкімдеріне демеу­шілер арқылы өңір бүл­діршіндеріне тарту ретінде жүзеге асыруды тапсырып отыр. Бүгінде демеушілер есебінен салынатын ойын алаңдарының аумақтары белгіленіп, қажетті жер телімдері табысталған.

Өңірде салынуы жоспарланған ойын және спорт алаңдарының 50-і облыс орталығында, қалған 30-ы аудандарда салына бастады. Оның ішінде алаңқай спорттық тренажерлар, балалар ойын және футбол алаңымен қамтылады. Бұл нысандарды салуда негізінен қала­ның шет аймақтары мен ауылдық елді мекендерге үлкен басымдық беріліп отыр.

Қазіргі уақытта Қызылорда қала­сында 32 алаңның құрылысы басталған. Ал аудандарда 6 ойын алаңының құрылысы аяқталып, 5 алаңның құрылысы жүргізілуде. Осындай жұмыстардың нәтиже­сінде межеленген 80 алаңды қыр­күйек айында толық пайдалануға беру жоспарда тұр.

Қызылордалықтардың биылға жоспарланған мақсатты жұ­мыс­тары мұнымен шектеліп қал­мақ емес. «Балалар жылы» аясында жыл соңына дейін облыс аумағында тағы 10 нысан пайдалануға беріледі деген болжам бар. Оның ішінде 6 мектеп, дарынды балаларға арнал­ған 2 орталық, 1 балабақша, оқу­шы­лар үйі мен өнер мектебі бар. Мұ­нымен қоса жаңа оқу жылы қарсаңында жергілікті кәсіпкерлер 3 жекеменшік мектепті іске қоспақ.
Ал балалар жылындағы ең үл­кен сый – Қызылорда қаласында заманауи үлгідегі оқушылар сара­йын салу туралы «ҚазМұнайГаз» ұлттық компаниясымен келісім жасалды. Бұл зәулім ғимарат Сырдария өзенінің сол жағалауын­да орналасқан жаңа тұрғын ауданда бой көтеретін болады.
Сонымен қатар, тұрғындардың спорт нысандарына қолжетімділігін арттыру мақсатында облыс көлемінде 7 дене шынықтыру-сауықтыру кешені мен 6 мәдениет нысанын пайдалануға беру де көзделіп отыр.
Жалпы «Балалар жылы» аясын­да қызылордалық бүлдіршіндерге жан-жақты жағдайлар мен қолдау­лар қарқынды көрсетілуде. Соның бірі биылдың өзінде 8 мыңнан астам бала өңірдегі лагерьлерде тынығатын болады.

Сондай-ақ «Атамекен» балалар ауылының түлектеріне «Қорқыт ата» атындағы Қызылорда универ­ситетінің білім гранты табысталып, 45 балаға «Қамбаш» лагеріне жол­дама табысталған. Сонымен қатар көпбалалы отбасылар үшін облыс орталығынан 50 пәтерлі тұрғын үй пайдалануға берілді.

Жалпы өңірде балалар игілігі үшін жасалып жатқан ізгілікті істер аз емес. Соның ішінде 1 маусым «Балалар күні» қарсаңында орта­лық стадионда ауқымды мерекелік шара ұйымдастырылды. Шара барысында арнайы санаттағы бала­лар мен халықаралық олимпиада жүлдегерлері атанған 100 балаға ве­ло­сипед, 10 ноутбук және «Бал­дәурен» республикалық лагеріне жолдама үлестірілді.