Қаз
Рус
"Қыс басталып кетті ма?" - Шығыс Қазақстан облысында қар жауды
288
Шығыс Қазақстан облысы Риддерде 1870 м биіктікте орналасқан Проходной белок аймағын қар басып қалды, - деп хабарлайды Opennews.kz ақпарат агенттігі.
Суретті Алексей Наконечный есімді азамат түсірген. Спорт базасы орналасқан 1 870 метр биіктікте қар түскен. Қазір сурет желіде қызу талқыланып жатыр.
Ақпаратты "Қазгидромет" мамандары да растады.
"Риддердің өзінде және метеостанцияда қар жоқ. Қазір таулы аймақтарда жауын жауып жатыр. Қар аралас жаңбыр. Бірақ Риддерде және оның маңында бұл – қалыпты жағдай", – деп түсіндірді синоптиктер.
Сонымен қатар мамандар алдағы күндері аймақта күн суытуы мүмкін екенін айтты.
"Болжамға сәйкес Риддер, Катон-Қарағай сынды тауылы аудандарда алдағы күндері жаңбыр және қар түрінде жауын жауу күтіледі, күн суытып, үскірік жүруі ықтимал", – деді синоптиктер.
