Аялдамаға тоқтаған соң талып қалған – Алматы облысында автобус жүргізушісі қаза тапты

Алматы облысының “Водник” ықшамауданында автобус жүргізушісі қаза тапты. Ол есінен танар алдында аялдамаға тоқтаған, деп хабарлайды Opennews.kz ақпарат агенттігі Экспресс К порталына сілтеме жасап.

Куәгерлер жүргізушінің аялдамаға тоқтағанын айтады. Алайда көпшілік оның нашар сезініп, кейін есінен танғанын көрген. Оқиға орнындағылар ешқандай жол апаты болмағанын жеткізді.

Алматы қалалық полиция департаментінің ресми мәліметінше, жедел-жәрдем қызметкерлері науқасты бірден ауруханаға жеткізген. Алайда азамат ауруханаға жеткен соң, көз жұмған.