Блогерлер 99 мешіттің құрылысына ақша жинап жатыр: Олардың әрекеті желіде дау туғызды
227
Қазақстандық белгілі блогерлер Мерей және Аружан Әбіловалар және Айжұлдыз Адайбекова 99 мешіттің құрылысы үшін халықтан ақша жинап жатыр. Әлеуметтік желі қолданушылары арасында бұл жағдай дау туғызды, деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап. 
Әлеуметік желі қолданушыларының ойы екіге бөлінді. Бірі мешіттің орнына мектеп пен аурухана салу керек десе, енді бірі блогерлердің заңмен тыйым салынбаған нәрсені жасауға толық құқығы бар екенін айтады.
“Блогерлерді мешіт салуға ақша жинағаны үшін сөгіп, ол қаражатты қайда жұмсау керегін үйрететіндер: Неге өздерің мектеп пен аурухана құрылысы үшін ақша жинап бастамап, үлгі көрсетпейсіңдер? Жиналған ақшаға тым құрығанда бір мектеп , бір аурухана, бір балабақша салуға болады. Мен мысалға аурухана құрылысы үшін ақша жинап бастауға әзірмін. Бірақ сендер өздерің жинап бастамайсыңдар да, басқалардан талап етесіңдер. Ал іс жүзінде діни ғимараттар демеушілер мен келушілердің қаражатына салынуда. Өйткені мемлекет оған ақша бермейді. Ал мемлекет балабақшалар, ауруханалар мен мектептер салуы керек. Ал бизнесмендер қаласа, көмек көрсете алады”, – дейді Думан Қапасов есімді желі қолданушысы.
“Мектептер мен ауруханалардың орнына мешіт тұрғызыңыздар. Осыдан кейін еліміз Ауғанстанға айналып, қазақ тамырын жоғалтып, толығымен арабтандырылған кезде жыламаңыздар. Шектен шыққан ел. Бес-он жылдан кейін жарты ел паранджа киетін болады”, – деп жазды қоғам белсендісі Дина Таңсәрі.
“Олардың заңмен тыйым салынбаған нәрсені жасауға толық құқығы бар”, – дейді Яков Федоров.
“Бізге мешіт емес, мектеп, балалар сарайы, бассейн, корттар керек!!! Бұл жалған ақыл, жалған пейіл. Артында топастық, қараңғылық жатқан ой. Жол беруге болмайды мұндайға. Тоқтату керек. Әбден қуып кетті адамдар”, – деп жазған Шыңғыс Садық.
