Байқоңыр қаласында қарулы қақтығыс салдарынан ер адам қаза тапты

Байқоңыр қаласындағы көп қабатты тұрғын үй ауласында қарулы қақтығыс орын алды,- деп хабарлайды Opennews.kz ақпарат агенттігі.

03.09.2022 жылы сағат 00.20 шамасында Байқоңыр қаласындағы Королев даңғылында оқ жарақаттарының іздері бар мәйіт табылды.

 Аталған дерек  бойынша Ресей Федерациясы Тергеу комитетінің  "Байқоңыр" кешеніндегі тергеу бөлімімен РФ ҚК-нің 105-бабының 1-бөлігімен көзделген қылмыс белгілері бойынша қылмыстық іс қозғалған.
Видео

Ресей Федерациясының Үкіметі мен Қазақстан Республикасының Үкіметі арасындағы 04.10.1997 ж. "Байқоңыр "кешенінің аумағында құқық тәртібін қамтамасыз етуде құқық қорғау органдарының өзара іс-қимылы туралы" келісімінің  5-бабында көрсетілгендей "Байқоңыр" қаласында жасалған құқық бұзушылық іс әрекеттерді  Ресей Федерациясының құқық қорғау органдары  қамтамасыз етеді".
Сонымен қатар, ҚР ІІМ Байқоңыр қаласындағы Өкілдігі Төретам кенті мен Ақай ауылдық округінде құқықтық тәртіпті қамтамасыз ететіндігін атап өткен.