RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Қоғам
8

Елімізде халықты көмірмен қамтамасыз ету қалай жүргізілуде

ҚР Индустрия және инфрақұрылымдық даму министрлігі халықты көмірмен қамтамасыз ету жұмыстарының барысы туралы мәлім етті, - деп хабарлайды Opennews.kz ақпарат агенттігі.

«Қыркүйек айының алғашқы 10 күндігінде өңірлерге 329,9 мың тоннаға жуық көмір жөнелтілді. Негізгі екпін солтүстік аймақтарға жасалып отыр, өйткені онда жылу беру маусымы басқа өңірлерге қарағанда ертерек басталады.Тұйықтарда және сауда қоймаларында көмір қалдығы 351,094 мың тоннаны құрайды. Сондай-ақ жақын арада вагондардың келуі күтіледі», - делінген хабарламада.

Министрлік дерегінше, қыркүйек айына арналған жоспар он күннің ішінде 30 пайызға орындалған. Ай соңына дейін межелі жоспарды толықтай жүзеге асыру жоспарланған.

Ведомствоның баспасөз қызметінен мәлім еткендей, бүгінде өңірлерге әлеуметтік көмір жеткізетін вагон паркі қосымша толықтырылып жатыр.