RUB (-0.06) 6.43 KZT
USD (-0.25) 460.98 KZT
EUR (+0.70) 491.22 KZT
Қоғам
114

Балабақшаны тарақандар жайлады

Ақтау балабақшасындағы балалардың жатын бөлмелерінде тарақандар өріп жүр, деп хабарлайды Opennews.kz ақпарат агенттігі. 



Бұлдіршіндердің ата-аналары балабақшаны жабуды талап етуде. Олардың айтуынша, балаларын балабақшада тарақандар шағып, тіпті жастықтарында жүрген. 


Балабақша мекемесінде тарақандардың қаптауы балалардың ата-аналары үшін де, сондағы басшылық үшін де жаңалық емес. Балабақша қызметкерлері санитарлық өңдеуді бірнеше мәрте жүргізген, бірақ жәндіктер жатын бөлмелерден кетпей қойды. Ата-аналардың айтуынша, балаларды тарақандар шағып, үйге жаралармен келеді.Олар күрделі санитарлық өңдеу үшін мекемені жабуды талап етеді.



“Балабақша таза емес, сол үшін балам тікелей ішек инфекциясымен ауырып қалды, үнемі құсады. Дене қызуы 40 градусқа дейін көтерілді. Балам балабақшадан келгенде, жастығынан тарақандар шыққанын айтады” – дейді ата-аналардың бірі.


Мекеме басшылығы тарақандар мәселесін жоққа шығарған жоқ. Директор екі айдың ішінде оны шешіп үлгермегенін айтады.



“Мен бұл лауазымға екі ай бұрын тағайындалдым. Бұл мәселе туралы хабардармыз және оны шешуге шаралар қолданамыз. Бүгін санитарлық-эпидемиологиялық станцияға хабарлаймыз. Бірте-бірте жөндеу жұмыстарын істеп, жаңартамыз” – деп түсіндірді балабақша директоры Гүлбану Қожабергенова.


Еліміздегі балабақша мекемелеріне көңіліңіз толады ма?

Еліміздегі балабақша мекемелеріне көңіліңіз толады ма?