RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Қоғам
101

Медбикені қорлаған депутат жазадан айыппұлмен құтылып кеткен

Павлодар облысында медбикеге тиісіп, денесіне қол жүгірткен депутат жазадан 5 айлық есептік көрсеткіш көлеміндегі айыппұл төлеп құтылған, деп хабарлайды Opennews.kz ақпарат агенттігі.



Медбикеге тиіскен депутат Төлеген Қадырдың ісі жайында Тime.kz сайты жазды. Ондағы мәліметке сүйенсек, депутат аталмыш өңірде білікті дәрігердің бірі көрінеді. Оқиға Төлеген Қадырдың әріптесіне система салып беруін өтінуінен басталған. Жас медбике өз жұмысын жасауға кіріскенде ер адам оның бөксесінен, белінен ұстап, тиіскен. Шошып қалған бойжеткен палатадан қашып шығып, кейін диктофонын қоса қайта кіреді. Осылайша неліктен мұндай әрекетке барғанын сұраған.

Бойжеткеннің соттағы басты дәлелі қайта кіріп, ер адамның сөздерін жазып алған аудиожазба болды. Бірақ сот депутатқа қызды қорлағаны үшін тек 5 айлық есептік көрсеткіш мөлшерінде айыппұл салып отыр. Бұл шамамен 15 мың теңге.


Кейіннен жергілікті мәслихат депутаты бұл ісіне өкініп, бойжеткеннен кешірім де сұраған. Сонымен қатар, сот шешіміне шағымданып, аппеляцияға беріпті. Бірақ сот алқасы шағымды қанағаттандырмай, шешімді өзгеріссіз қалдырды.