Үйінде жанжал шығарғандар енді көше сыпыратын болады

«Бұрын Конституция бізге әкімшілік құқықбұзушылықтарды жасаған адамды қоғамдық жұымстарға тартуға рұқсат бермейтін. Өйткені Конституцияда мәжбүрлі еңбек тек сот шешімімен міндеттелетіні жазылған. Ата заңға енгізілген соңғы өзгерістер бізге бүгінгі таңда әкімшілік жауапкершілікке тартылған адамдарды қоғамдық жұмыстарға тартуға мүмкіндік беріп отыр. Қазір Әділет министрлігі бізге ол адамдардың қандай қоғамдық жұмыстарды атқаратынын, қандай баптар бойынша ол міндетті болатынын айқындап беруі керек. Біз осы ретте тұрмыстық зорлық-зомбылық бойынша жауапкершілікке тартылған азаматтарды қоғамдық жұмыстарға тарту бастамасын көтеріп отырмыз», - деді Марат Ахметжанов үкімет кулуарында.

«Премьер-министрге ұсыныс енгіздім. Әкімдер өз аймақтарында қандай жұмыстарға оларды тартуға болатынын көрсетуі керек. Жаңа біздің ұсынысымыз бойынша, көше тазалауға тарту мәселесі. Бәлкім, 10-15 күнге. Әділет министрлігі заңнаманы әзірлейді», - дейді ол.