Петропавлдағы танымал көпбалалы отбасыда он жетінші сәби дүниеге келді

Петропавл қаласында тұратын Култышевтар отбасында он жетінші нәресте өмірге келді.
Қуанышты жаңалықты отағасы Павел Култышевтың өзі хабарлаған. 

"Шілде айында отбасымызда он жетінші бала - ер бала дүниеге келді. Оны Давид деп атадық", - дейді Павел. 

Бұл Култышевтар отбасындағы оныншы ұл, сондай-ақ Павел мен Татьянаның жеті қызы бар. 
Одан бөлек, бақытты отбасы тағы бір қуанышты жаңалықпен бөлісті. Ерлі-зайыптының үлкен қызы Инна тұрмысқа шыққан.