Рухани мереке: Құран байқауы жеңімпаздары марапатталды

Қызылорда облыстық «Ақмешіт-Сырдария» орталық мешітінде «Құран – бірлік пен береке бастауы» атты облыстық Құран жарысының жеңімпаздарын марапаттау рәсімі өтті,- деп хабарлайды Opennews.kz ақпараттық агенттігі.

 Республика күні мен ҚМДБ 35 жылдық мерейтойына орай ұйымдастырылған байқауға Қызылорда қаласы мен аудандардан келген 50-ден астам үміткер қатысып, Құранның 5, 3 және 1 парасын жатқа айтудан бақ сынасты.

Шара аясында Сыр өңірінің бас имамы Дастан қажы Жанасұлы жеңімпаздар мен «Көрермен көзайымы» атанған қатысушыны құттықтап, дипломдар мен сыйлықтар табыстады. Сондай-ақ қазылар алқасының мүшелері мен демеуші азамат та алғыс хатпен марапатталды, ал қалған қатысушылар ынталандыру сыйақыларына ие болды.