Алғаш рет республикалық “Үздік имам” интеллектуалды білім сайысы өтті

4 желтоқсан 2025, 14:59

2 512

Астана қаласындағы “Әзірет Сұлтан” мешітінде Қазақстан мұсылмандары діни басқармасы ұйымдастырған І республикалық “Үздік имам” интеллектуалды білім сайысы өтті,-деп хабарлайды Opennews.kz ақпарат агенттігі.

Марапаттау рәсімінде Бас мүфти Наурызбай қажы Тағанұлы сайыстың маңыздылығына тоқталып, имамдардың қоғамдағы рөліне ерекше мән берді.

“Имам – мешіт қызметкері ғана емес, қоғамның рухани тірегі. Бүгінгі сайыс әр имамның білімін шыңдап, тәжірибесін арттыруына үлкен мүмкіндік берді. Бұл жарыс жыл сайын дәстүрге айналады деп сенемін”, – деді Бас мүфти.

Әділқазылар алқасының шешімімен жүлдегерлер анықталды:

I орын – Бекзат Азатбекұлы Құсанбаев (ШҚО, Өскемен қалалық орталық мешітінің наиб имамы)

II орын – Нұрлан Мұрат (Жамбыл облыстық “Һибатулла Тараз” мешітінің наиб имамы)

III орын – Қуаныш Тоқсанбайұлы Әбішев (Алматы қалалық Орталық мешітінің наиб имамы)

Жарыс жеңімпаздарына 500, 400 және 300 мың теңге көлемінде жүлде табысталды. Ал барлық қатысушы имамдарға 50 мың теңгеден ынталандыру сыйлығы берілді.