Қазақстан құрамасы спорттық гимнастикадан үш медаль жеңіп алды

Спорттық гимнастикадан Сингапурда өткен Азия чемпионатында Қазақстан командасы үш медаль жеңіп алды, - деп хабарлайды "Opennews.kz" ақпарат агенттігі. 

Сайыста Нариман Курбанов бірінші орын алды. Отандасымыз гимнастикалық ат жаттығуларында бірінші болып аяқтады. Ал еркін жаттығулардан Дмитрий Потанин күміс медаль иеленді. 

Командалық жарыстарда Қазақстан үшінші орын алып, қола медаль иеленді. Осылайша ел намысын қорғаған команда әлем чемпионатына жолдама алды.