Еркін күрестен отандасымыз Камиль Куруглиев Азия чемпионы атанды

Иорданияның Амман қаласында күрес түрлерінен өтіп жатқан Азия чемпионатында ұлттық құрама ел қоржынына төрт жүлде салды, - деп хабарлайды “Opennews.kz” ақпарат агенттігі.

Атап айтар болсақ, 97 келіде сынға түскен маңғыстаулық балуан Камиль Куруглиев финалда өзбек Айназар Базарбаевты ұтып, Азия чемпионы атанды.

57 келідегі Мерей Базарбаев түркімен Амир Амаюновтан, 70 келіде сынға түскен Мұхаметәлі Қабидолданов үнді Нарендер Нарендерден және 79 келідегі Мағжан Жанырбай өзбек Далер Чулибаевтан басым түсіп, құрлық чемпионатының қола жүлдегерлері атанды.

Бүгін чемпионатының соңғы күні U20 еркін күрес балуандары 61, 74, 86, 92 және 125 келіде белдеседі.