Бейбіт Жұқаев АҚШ-тағы жарысты жеңіспен бастады
2 501
Қазақстанның екінші, әлемнің 195-ракеткасы Бейбіт Жұқаев Шампейн (АҚШ) челленджер турнирін жеңіспен бастады, деп хабарлайды "Opennews.kz" ақпарат агенттігі.
Жарыстың 6-ракеткасы болып тіркелген қазақстандық теннисші бастапқы матчын дүниежүзілік рейтингте 303-орында тұрған италиялық Энрико Далла Валлемен өткізді.
Б.Жұқаев италиялық спортшыны 6:1, 6:1 есебімен ойсырата ұтты. Бір сағаттан сәл астам уақытқа созылған бәсеке барысында Бейбіт 5 эйс жасап, 8 брейк-пойнттың бесеуін пайдаланды.
Бейбіт Жұқаев ширек финалға шығу үшін рейтингте 298-сатыдағы хорватиялық Нино Сердарушичпен таласады. Қазақстандық теннисші бұдан бұрын өзі чемпион атанған Шарлотсвилл (АҚШ) додасында осы теннисшіні ұтқан болатын
