Қазақстандық жас хоккейшілер әлем чемпионатын жеңіспен бастады
2 502
Хоккейден әлем чемпионатының "А" дивизионында бақ сынап жатқан Қазақстан жастар құрамасы топтағы бірінші ойынды жеңіспен бастады, - деп хабарлайды "Opennews.kz" ақпарат агенттігі.
Отандастарымыз мажар елінен келген замандастарын 5:2 есебімен айқын ұтты. Будапеште өткен ойында Қазақстан жастар құрамасы сапында Дәулет Нұркенов (4-минут), Егор Смольянинов (13-минут), Артем Авдеенко (49-минут), Всеволод Логвин (53 және 58-минуттар) шайба соқты.
Жас хоккейшілеріміз екінші ойынын бүгін Данияға қарсы өткізеді. Скандинавия елінің өкілдері алғашқы ойында Францияға жол берді.
Топта отандастарымыз Венгрия мен Даниядан бөлек Франция, Жапония және Австрияға қарсы ойнайды
