"Кіші әлем чемпионатына" қатысатын қазақ боксшылары белгілі болды
Болгария елінің астанасы Софияда бокстан "Странджа" халықаралық турнирі өтеді, - деп хабарлайды "Opennews.kz" ақпарат агенттігі.
Осымен 75-рет ұйымдастырылатын турнирге қазақ боксшылары да қатысады. "Странджа" халықаралық турнирі әуесқой бокстағы беделді жарыстардың бірі. Тіпті оны "кіші әлем чемпионаты" деп те атайды. Биылғы жарыс 2-12 ақпан аралығында өтеді.
Турнирде бақ сынайтын боксшылар қатарында әлем чемпионы Санжар Тәшкенбай да бар.
51 кг: Санжар Тәшкенбай
54 кг: Дәулет Молдашев
57 кг: Оразбек Асылқұлов
60 кг: Руслан Күзеубаев
63,5 кг: Ерасыл Таңқай
67 кг: Дулат Бекбауов
71 кг: Талғат Шайкен
75 кг: Нұрқанат Райыс
80 кг: Тұрсынбай Құлахмет
86 кг: Абзал Құттыбеков
Былтыр елімізден 57 келідегі Оразбек Асылқұлов — күміс, 75 келідегі Нұрқанат Райыс — қола жүлде алған еді.
Айта кетейік, Олимпиада ойындарына лицензия беретін жарыс ақпан айының соңында Италияда басталады. Оған былтыр Қазақстан спартакиадасында жеңімпаз болған боксшылар аттанады.
