Хоккейден әйелдер құрамасы Азия чемпионатында үшінші орын алды

Қазақстанның әйелдер хоккей командасы Қытайдың Бейжің қаласында өтіп жатқан Азия біріншілігінде қола медаль жеңіп алды, - деп хабарлайды "Opennews.kz" ақпарат агенттігі.

Соңғы ойында біздің хоккейшілер Оңтүстік Кореяға қарсы ойнады. Бұл кездесуге дейін екі құрама да Қытай мен Жапонияға есе жіберген еді.

Негізгі уақыт 4:4 есебімен аяқталды. Қосымша уақытта да жеңімпаз анықталмады. Нәтижесінде Қазақстан командасы буллиттер сериясында жеңіске жетіп, чемпионатты үшінші орынмен аяқтады, – делінген ақпаратта.