Жасөспірімдер құрамасы семсерлесуден Азия чемпионатында 3 медаль алды

Кувейт қаласында семсерлесуден жасөспірімдер және кадеттер арасындағы Азия чемпионаты жалғасып жатыр, - деп хабарлайды "Opennews.kz" ақпарат агенттігі. 

Қазақстан құрамасы командалық сайыста үш медальға қол жеткізді. 

Қазақстан ерлер құрамасы саблямен семсерлесуден күміс жүлдеге ие болды. Ұлттық құрама атынан Нұрмұхаммед Жайлыбай, Қайназар Нұрқатұлы, Сұлтан Станбек және Сұлтан Асылбеков өнер көрсетті. 

Ал, Қазақстан әйелдер құрамасы рапирамен семсерлесуден қола жүлдені еншіледі. Ел намысын София Актаева, Алина Искандерова, Полина Долгополова және Алена Гноева қорғады. Қола медальді қазақстандық шпагашылар иеленді. Георгий Тинников, Богдан Лукин, Ғабиден Мұстафин және Кирилл Проходов жеңіс тұғырынан көрінді.