Қазақстан балуандары Азия чемпионатынан үш алтын медальмен оралды
2 417
Вьетнамның Вунгтау қаласында 17-23 жастағы балуандардың қатысуымен күрестен Азия чемпионаты басталды. Жарыстың алғашқы күні грек-рим күресі бойынша жеңімпаздар анықталды,- деп хабарлайды "Opennews.kz" ақпарат агенттігі.
18 маусымда өткен бәсекеде ұлттық құрама балуандары табысты өнер көрсетіп, 7 салмақ дәрежесінің үшеуінде алтын медаль еншіледі. Жалпы есепте қазақстандықтар 3 алтын, 2 күміс және 1 қола жүлдеге қол жеткізді.
Чемпион атанған балуандар:
- Исхар Құрбаев (60 келі)
- Бағдат Сабаз (67 келі)
- Ақжан Ықыласов (77 келі)
Күміс медаль иегерлері:
- Юсуф Мациев (97 келі)
- Джохар Узаров (130 келі)
Қола жүлде:
- Диас Қалтай (82 келі)
