Балуандар грек-рим күресінен жастар арасындағы Азия чемпионатында командалық есепте бірінші орын алды
2 464
Вьетнамның Вунгтау қаласында өтіп жатқан 23 жасқа дейінгі спортшылар арасындағы Азия чемпионатында Қазақстанның грек-рим күресі құрамасы жоғары нәтиже көрсетіп, командалық есепте бірінші орынға шықты,- деп хабарлайды "Opennews.kz" ақпарат агенттігі.
Қазақстан балуандары барлығы 197 ұпай жинап, Қырғызстан мен Өзбекстан құрамаларын артта қалдырды. Жарыс қорытындысы бойынша классиктер сегіз медаль жеңіп алды, оның төртеуі – алтын.
Алтын медаль иегерлері:
- Ерасыл Мамырбеков (55 кг)
- Исхар Құрбаев (60 кг)
- Бағдат Сабаз (67 кг)
- Ақжан Ықыласов (77 кг)
