Әліби Ыдырыс UFC-де алғашқы жекпе-жегіне дайындалуда
2 660
Naiza FC ұйымының бұрынғы чемпионы, қазақстандық спортшы Алиби Идрис жақын уақытта UFC додасында алғашқы кездесуін өткізбек, - деп хабарлайды "Opennews.kz" ақпарат агенттігі.
Әзірге қазақстандық спортшының қарсыласының есімі құпия сақталуда. UFC басшылығы қос тарапқа жекпе-жекке қатысты ешқандай мәлімет таратпау жөнінде ескерту жасағаны белгілі болды.
Әліби Ыдырыс — UFC ұйымдастырған The Ultimate Fighter реалити-жобасына қатысқан алғашқы қазақстандық файтер. Шоу барысында ол Өзбекстан өкілі Фурхатбек Екубовты жеңіп, жартылай финалға жолдама алған болатын.
