"Қайрат" футболшылары Миландағы алғашқы жаттығуын өткізді
2 547
Алматылық "Қайрат" футбол клубының баспасөз қызметі команда мүшелерінің Италиядағы алғашқы жаттығуынан фото жариялады, - деп хабарлайды "Opennews.kz" ақпарат агенттігі.
Алматылық клубтың "Интермен" ойыны алдындағы алғашқы жаттығуынан фотолар клубтың желідегі парақшасында жарияланды.
"Бірінші кеш – бірінші жаттығу", - делінген жазбада.
Бұған дейін "Қайрат" футбол клубының баспасөз қызметі команда ойыншыларының Италияға аттанғанын, онда Миланның "Интеріне" қарсы ойын өткізетінін хабарлады. Матч әйгілі "Джузеппе Меацца" стадионында болады.
Кездесу Қазақстан уақыты бойынша қарашаның 5-інен 6-сына қараған түні сағат 01:00-де басталады. Ойынның тікелей көрсетілімі Qazaqstan телеарнасынан көрсетіледі.
