FIFA World Cup түпнұсқа кубогы елге жеткізіледі
2 507
26 қаңтарда Алматы қаласына әлемдік FIFA World Cup түпнұсқа кубогы жеткізіліп, мегаполис тұрғындары мен қонақтарына әлем футболының басты трофейін жақыннан көру мүмкіндігі беріледі,-деп хабарлайды Opennews.kz ақпарат агенттігі.
Кубоктың көрсетілімі халықаралық тур аясында өтеді. Іс-шара Алматы қаласы әкімдігі, Қазақстан футбол федерациясы және негізгі демеуші — Coca-Cola компаниясының қолдауымен ұйымдастырылып отыр. Бұл тур бұқаралық спортты дамытуға және жастар арасында футболды насихаттауға үлес қосады деп күтіледі. Трофей Алматыда небәрі бірнеше сағат қана болады. Сол себепті бұл оқиға қала үшін сирек әрі аса маңызды сәт ретінде бағаланып отыр.
