«Қайрат» алғашқы таймда «Астанадан» басым түсті

4-5 сәуір күндері футболдан Қазақстан Премьер-лигасының төртінші тур ойындары өтіп, турдың орталық матчында алматылық "Қайрат" өз алаңында "Астананы" 4:0 есебімен ойсырата жеңді, - деп хабарлайды Opennews.kz ақпарат агенттігі kaz.zakon.kz сайтына сілтеме жасап.

Матчтың тағдыры алғашқы таймда-ақ айқындалды. Ойынның алғашқы 45 минутында алматылық команда қарсылас қақпасына жауапсыз төрт гол соғып, кездесудің нәтижесін ерте шешіп тастады. Қақпашы Мұхамеджан Сейсен бірнеше рет допты қақпасынан алып шығуға мәжбүр болды. Кездесуде Жоржиньо ерекше көзге түсіп, екі мәрте мергендік танытты. Шабуылда Дастан Сәтпаев та өз мүмкіндігін тиімді пайдаланып, есеп айырмасын ұлғайтты. Бірінші таймның соңына қарай команда капитаны Александр Мартынович тағы бір гол қосып, есепті ірі нәтижеге жеткізді. Үзілістен кейін қарсылас команда ойын барысын өзгертуге тырысқанымен, есеп тақтасына өзгеріс енгізе алмады.

 Рафаэль Уразбахтин жаттықтыратын ұжым маңызды үш ұпайға қол жеткізіп, турнирлік жарыстағы позициясын нығайтты. Ал Григорий Бабаян жетекшілік ететін команда бұл жеңілістен кейін кестеде төмен сырғып, алғашқы үштіктен шығып қалды. Тур нәтижесінде алматылық клуб 10 ұпаймен көш басына қайта көтерілді. Ал өз алаңында «Тобылды» 1:0 есебімен жеңген «Елімай» екінші орынға жайғасты.