Қазақ блогері 1 млн-дық парақшасынан айырылып қалды

Футболдан әлем чемпионаты аясында қатаң медиа ережелердің салдарынан қазақстандық танымал блогер оқыс жағдайға тап болды,- деп хабарлайды Opennews.kz ақпараттық агенттігі Kaz.caravan.kz сайтына сілтеме жасап.

1,1 миллионға жуық жазылушысы бар блогер Артур Асқарұлы Өзбекстан құрамасының голына түсірген эмоциялық кадры үшін блокқа түсіп, инстаграм парақшасынан айырылғанын хабарлаған. Блогердің айтуынша, ФИФА тарапынан енгізілген қатаң медиа ережелерді бұзғаны үшін оның видеосына ескерту беріліп, кейін бан қойылған.

Қазір ол жағдайды қалпына келтіру үшін барлық мүмкін қадамдардың жасалып жатқанын айтып, командасының парақшаны қайтаруға жұмыс істеп жатқанын жеткізген.