Геннадий Головкин келесі жекпе-жегін Жапонияда өткізбек

Әлемдік бокс аренасында еліміздің атын шығарып жүрген кәсіпқой боксшы Геннадий Головкин Риота Муратамен жекпе-жек өткізу үшін Жапонияға ұшып келді, - деп хабарлайды Opennews.kzақпарат агенттігі.

Ол өзінің Instagram парақшасында «Жақында кездескенше, Жапония!» деп қысқа хабарламамен кеткен сәтінен суретін жариялады.

Головкин - Мурата жекпе-жегі 9 сәуірде Сайтамада (Жапония) өтеді. Орта салмақтағы WBA Super, IBF және IBO титулдары үшін жұдырықтасады.

Бұған дейін спортшы жаттығу кезіндегі видеолар мен фотоларды белсенді түрде жариялаған.

"Гена нағыз чемпион және патриот;Туымыз өзгелерден биік болсын, ағайын; Біз сенімен мақтанамыз;Мен оның жетістікке жететініне сенемін", - дейді боксшының комментаторлары.