Әлем чемпионы атағы үшін Жәнібек Әлімханұлы Лас-Вегасқа аттанды

Қазақстандық боксшы чемпиондық белбеу үшін Лас-Вегасқа келді, - деп хабарлайды Opennews.kz ақпарат агенттігі.

Орта салмақтағы қазақстандық боксшы Жәнібек Әлімханұлы (11-0, 7 КО) Лас-Вегасқа келді, онда 21 мамырда британдық Дэнни Дигнуммен (14-0-1) өз дивизионында WBO нұсқасы бойынша «уақытша» әлем чемпионы атағы үшін жұдырықтасады.

Олардың жекпе-жегі 22 мамыр күні таңертең Top Rank Boxing Night аясында өтеді.

Жәнібек әлеуметтік желіде командасының Лас-Вегасқа келген сәтінен видео бөлісті.Онымен бірге бапкер Джеймс «Бадди» МакГирт, сондай-ақ менеджерлер Эгис Климас пен Берік Сұлтан ұрыс алаңына келді.