RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Спорт
231

Қазақстандық теннисшілер халықаралық турнирдің жартылай финалына шықты

 Қазақстандық теннисші Жібек Құламбаева мен Александр Недовесов халықаралық турнирлердің жартылай финалына шықты, деп хабарлайды ҚТФ баспасөз қызметі.

Құламбаева жұптық сында латвиялық Диана Марцинкевичпен бірге Италияның Брешия қаласында ITF W60 жарысында сәтті өнер көрсетті. Жібек пен Диана ширек финалда осы турнирдің екінші ракеткалары, тайбэйлік Ю Чен Хсиех - швейцариялық Ксения Кнолмен күш сынасты. Қазақстандық-латвиялық жұп екі сағатқа жуық уақытқа созылған тартысты бәсекеде 4:6. 7:6 (7:3), 10:3 есебімен жеңіске жетті.

Құламбаева мен Марцинкевич жүлде қоры 60 мың АҚШ доллары болатын доданың финалына шығу үшін румыниялық Андрея Пришакариу – италиялық Камилла Розателломен таласады. Ал Александр Недовесов пәкістандық Айсам Курешимен бірге Ұлыбританияда Сурбитон челленджер жарысының ширек финалында бір сағатқа созылған матчта америкалық Брендон Накасима – аустралиялық Алексей Попыриннен айласын асырды – 6:3, 6:4.

Турнирдің үшінші ракеткалары болып тіркелген Недовесов пен Куреши жартылай финалда үндістандық Дивиж Шаран – жаңазеландиялық Артем Ситакпен шеберлік байқасады.