Бақбергенова әлем чемпионатында күміс медаль иеленді
1 242
Белградта өтіп жатқан әлем чемпионатында қазақстандық күресші Жәмила Бақбергенова күміс медаль иеленді, деп хабарлайды Opennews.kz ақпарат агенттігі Prosports.kz сайтына сілтеме жасап.
Күресші 72 келіге дейінгі салмақтағы жарыстың финалында америкалық Амит Елордан жеңіліп қалған болатын.
Бақбергенова турнирді ширек финалда бастап, өзбекстандық Светлана Окназарованы жеңген болатын. Жартылай финалда Александра Анхелді (Румыния) сенімді түрде жеңген еді.
Естеріңізге сала кетсек, былтырғы әлем чемпионатында да Жәмила Бақбергенова финалға шығып, жапониялық Масако Фуруичиден жеңіліп қалған. Одан бөлек, екі рет Азия чемпионатында топ жарған.
