«Маған бұл жақ ұнайды». «Қайрат» жұлдызы Қазақстандағы өмірі туралы

Алматылық «Қайраттың» бразилиялық шабуылшысы Вагнер Лав Yahoo Esportes Brasil-ге берген сұхбатында Қазақстандағы өмірі туралы айтты.

«Маған бұл жақ ұнайды, қала (Алматы) мені таңғалдырды, жылдам бейімделдім. Бірден командама мақсатына жетуіне көмектестім – ел чемпионы титулын иелендік, 16 жыл соған жете алмаған. Бұл жетістікке көңілім қатты толды. Тағы бір жылға келісімшарт ұзарттым (2021 жылыдң соңына дейін), жаңа белестерді еңсеремін деп үміттенемін», – деді футболшы.

Еске салайық, Вагнер Лав «Қайратқа» 2020 жылы 8 шілдеде еркін агент ретінде ауысқан болатын. Былтырғы маусымда ол Қазақстан чемпионатында 13 матч өткізіп, 7 гол соққан.