Жоао Пауло «Ордабасының» үздік сұрмергені атанды

«Ордабасының» 32 жастағы бразилиялық шабуылшысы Жоао Пауло чемпионаттың 7-турында «Қайсар» (4:2) қақпасына дубль жасап, шымкенттік клуб тарихындағы үздік сұрмерген атанды.
Еске салайық, «Ордабасы» сапында Жоао Пауло 2019 жылы 9 наурызда «Шахтерге» (3:0) қарсы матчта дебютін өткізген. Бүгінде ол 57 матчта, 33 гол соққан.
«Ордабасының» Қазақстан чемпионатындағы сұрмергендері:

1. Жоао Пауло – 33 гол (57 матч);
2. Дәуренбек Тәжімбетов – 32 гол (133 матч);
3. Азат Нұрғалиев – 28 гол (204 матч);
4. Александр Крохмаль – 24 гол (67 матч);
5. Еркебұлан Тұңғышбаев – 23 гол (145 матч);
6. Танат Нөсербаев – 22 гол (121 матч);
7. Абдулае Диакате – 22 гол (170 матч).