Әлем чемпионына әкімшіліктің берген сыйлығы қызу талқыға түсті

13 қыркүйек 2022, 16:54

189

Батысқазақстандық Алтынай Саматова 9 жасқа дейінгілер арасында дойбыдан әлем чемпионы атанған болатын. Әлеуметтік желіде кішкентай чемпионға әкімшіліктің берген сыйлығы талқыға түсті,- деп хабарлайды "Opennews.kz" ақпарат агенттігі turkystan.kz. сайтына сілтеме жасап.

Бұл туралы журналист Жеңіс Құспан Facebook-тегі парақшасында жариялады.

“Чемпионды мазақ қылғаны ма?” депті Оралдан Айболат Букенов: “Болгария мемлекетінде дойбының үш түрінен өткен әлем чемпионатынан үш алтын алып, еліміздің көк Туын қатарынан 3 мәрте көтергізіп, 3 дүркін чемпионы атанып келген жерлесіміз, 8 жасар Алтынай Артур қызымызды құттықтаймыз! Әттеген-айы, чемпион қызымызға елге оралғанда әкімшіліктің берген сыйлығының сықпыты мынау. Шұбатылған спортивка мен бір бет диплом.
Ел үмітін ақтап келген бүлдіршінімізге жасап тұрған құрметтері – бұл мадақ па, әлде мазақ па?! Осыдан кейін кімнің шабыты оянып, еліміздің спорты қайдан дамиды… Сөзім жоқ, ұят…”

деп жазды ол.