Қазақстан мен Өзбекстан журналистері үшін баспасөз туры өтеді
2 473
Қазақстан мен Өзбекстан журналистерге арналған тренингтер мен семинарлар өткізеді және жас мамандарды қолдау мен жалған ақпаратпен бірлесіп күресуге уағдаласты, - деп хабарлайды "Opennews.kz" ақпарат агенттігі.
Бұл туралы ҚР Мәдениет және ақпарат министрі Аида Балаева Астанадағы II Орталық Азия медиафорумында айтты.
Министр Орталық Азия елдерінің медиа саласындағы ынтымақтастығы да жоспарлы түрде жаңа деңгейге көтеріліп жатқанын атап өтті.
Мәселен, Қазақстанның Мәдениет және ақпарат министрлігі мен Өзбекстанның Ақпарат және бұқаралық коммуникациялар агенттігі арасында 2025 жылға дейінгі өзара іс-қимыл жоспарына қол қойылды. Жоспар медиаконтент алмасуды, журналистерге арналған тренингтер мен семинарлар өткізуді, баспасөз хатшыларының біліктілігін арттыруды, жас мамандарды қолдауды және жалған ақпаратпен бірлесіп күресуді қамтиды, − деді А. Балаева медиафорумның ашылуында.
