Қаз
Рус
«Әміре» музыкалық драмасының премьерасы өтті
2 520
Астана қаласының Музыкалық жас көрермен театрында Әміре Қашаубаевтың 1925 жылғы Париждегі тарихи өнер көрсетуінің 100 жылдығына арналған «Әміре» музыкалық драмасы сахналанды,-деп хабарлайды Opennews.kz ақпарат агенттігі.
Қойылымның авторы – Қанат Жүнісов, режиссері – Асхат Маемиров. Спектакльде ұлы әншінің өмірі, шығармашылық жолы және қазақ әнін әлемге танытқан тарихи сапары көркем түрде бейнеленген. Әміре рөлін Оразалы Игілік орындады.
Қойылым 2025 жылы Бакудегі “Ислам ынтымақтастығы ұйымының мәдени фестиваліне” арнайы шақырылды. Премьера көрерменнің оң бағасын алып, маусым бойы жалғасады.
