«GULDER» ансамблі «ASEAN 2025» фестивалінде өнер көрсетті
Роза Бағланова атындағы «Қазақконцерт» мемлекеттік академиялық концерттік ұйымының «GULDER» ансамблі Малайзияда өткен «ASEAN 2025» халықаралық музыкалық-мәдени фестивалінде өнер көрсетті,-деп хабарлайды Opennews.kz ақпарат агенттігі.
Фестиваль аясында ансамбль дәстүрлі және заманауи хореографияны үйлестірген концерттік бағдарламасын ұсынды. Көрермендер назарына «Аққу», «Асатаяқ», «Қуаныш думан», «Қарлығаш», «Дайрабай», «Қараторғай», «Тоқымқағар», «Қорқыт» хореографиялық қойылымдары, сондай-ақ Малайзия, Моңғолия және Қытай халықтарының билері ұсынылды.
Мәдени диалог пен халықаралық ынтымақтастықтың жарқын үлгісіне айналған концертті әлемнің әр түкпірінен келген 300-ден астам көрермен тамашалады.
Айта кетейік, соңғы үш жылда «GULDER» ансамблі Швеция, Франция, Германия, Латвия, Қытай және Түркия елдеріндегі сахналарда Қазақстан атынан өнер көрсетіп келеді.
