Мұхтар Әуезовтің 125 жылдығына орай «Абай жолы» роман-эпопеясының аудионұсқасы Қазақ радиосында беріледі

Аудиокітап форматындағы хабар наурыз айында басталып, қыркүйек айына дейін жалғасады, - деп хабарлайды Opennews.kz ақпарат агенттігі. 

 «Қазақ радиолары» ЖШС Бас редкаторы- «Қазақ радиосы» радиоарнасының директоры Дулат Абибуллаев facebook желісіндегі парақшасында жазды. 

«Ұлы прозаик Мұхтар Әуезовтің дүниеге келгеніне биыл 125 жыл. Осыған орай тыңдаушыларға 2 наурыздан бастап «Абай жолы» роман-эпопеясын ұсынамыз. «Көкжиек» хабары аптасына 7 күн, сағат 21.00 де эфирге шығады. Кітапты Қазақ радиосының белгілі дикторы Аманжан Серіков дыбыстаған»,- деп атап өткен радиоарна басшысы өз жазбасында.

 «Абай жолы» эпопеясы Мұхтар Әуезовтің әлемге әйгілі тарихи романдар топтамасы, қазақ халқының тұңғыш эпопеясы. Ол 1942 мен 1956 жылдар аралығында жазылған роман.