"Один дома" фильмінің жұлдызы алғаш рет әке атанды

"Один дома" фильмінің жұлдызы, 40 жастағы Маколей Калкин мен актриса Бренда Сонг ұлды болғандарын хабарлады.

Актердің ұлы 5 сәуір күні дүниеге келген. Оның салмағы 3,11 келі. Маколей Калкин ұлының есімін марқұм әпкесінің құрметіне Дакота Сонг Калкин деп атаған. 

"Біз өте қуаныштымыз", - дейді алғаш рет ата-ана атанған жұп. 

Маколей Калкин мен Бренда Сонг бірнеше жыл бұрын Таиландта фильмнің түсірілімі кезінде танысқан.
Маколей Калкин әйгілі "Один дома" фильмінен бөлек, "Добрый сынок", "Богатенький Ричи", "Моя девочка", "Клубная мания", "Спасенная" және "Повелитель страниц" секілді фильмдерге түскен.