Танымал блогер ару өзіне сезімін білдірген Алмас Кішкенбаевқа жауап берді

Отандық танымал блогер Әйгерім Абдуллаева өзін ұнататынын айтқан әнші Алмас Кішкенбаевқа қатысты пікір білдірді. Желі жұлдызы өнер иесінің сезіміне жауап беріп, қызу талқыға қалған мәселеге нүкте қойды.
 
Әйгерім Абдуллаева өзіне сезімін білдірген Кішкенбаевқа қатысты ойын жасырмай ашық түрде жеткізді. Бұл туралы ол "НТК" арнасындағы "Опмай-опмай" бағдарламасына берген сұхбаты кезінде айтты.
 
 "Қазір менің де, Нұрдәулеттің де басы бос. Біздің ортада тек екеуміз ғана қалдық. Алмастың жазбасын ең бірінші болып Нұрдәулет көріп қалды. Ол маған көрсетті. Мен бірі қарап едім, келесі стористе де мен туралы жазыпты. "Ай жазбай жатыр, кездесуге шақырамын" деп жазыпты. Менің ойымша, бұл қалжын ретінде жазылған нәрсе. Ал былай бейнебаянымды, өнерімді қолдап жатқанына рахмет айтамын. Әзіл деп ойлаймын. Хайп деп те ойладым. Бірақ, шынында ондайды ойламаған секілді. Ән мен клип ұнағандықтан сторизға салған. Сосын аяқ асты хайп болып кеткен сияқты. Хайп үшін жасады деп ойламаймын. Өзінен сұрау керек", - деді блогер ару. 
 
Instagram жұлдызы Алмас Кішкенбаев шын мәнінде кездесуге шақырса онымен бармайтынын кесіп айтты. 
 
Сонымен қатар, Абдуллаева махаббат жасқа қарамайды деп есептейтінін айтып қалды. 
 
"Мен үшін махаббат жасқа қарамайды. Бұлай айтсам бәрі "Нұрдәулеттің жасы сенен кіші, сол туралы айтып отырсың" деуі мүмкін. Бірақ, шын мәнінде адамдар бір-біріне сай болса, бір-бірін жақсы көрсе жасқа да, ажырасқан болса да қарамайды. Шынайы махаббатқа сенемін", - деді Әйгерім.